મનોજ બાજપાયીને લીડ રોલમાં ચમકાવતી અપૂર્વ સિંઘ કર્કી ડિરેક્ટેડ ‘સિર્ફ એક બંદા કાફી હૈ’ વરસની ઉમદા ફિલ્મોમાં છે. વિવાદાસ્પદ ગોડમેન આસારામ બાપુના કિસ્સાથી એ પ્રેરિત છે. એક કિશોરી સાથેના કુકર્મના ચચત કેસમાં એડ્વોકેટ પી. સી. સોલંકી બાબાને સજા થાય એ સુનિશ્ચિત કરે છે એ છે વાર્તા. બાબાના વકીલે અદાલતમાં કિશારીને પુખ્ત હોવાનું સાબિત કરવા ઉધામા કરે છે. એમને પછાડવાનો પડકાર સોલંકી સામે છે. સારા લેખન, મેકિંગ, અભિનયથી ફિલ્મ વોચેબલ બની છે.

અમર કૌશિક દિગ્દશત ‘ચોર નિકલ કે ભાગા’માં યામી ગૌતમ અને સની કૌશલ છે. અલ બરકત શહેરના વીમા કંપનીનો માલિક અંકિત અને પ્રેમિકા નેહા, અંકિતના ગ્રાહકના ખોવાયેલા હીરા પાછા મેળવવા ધાડ પ્લાન કરે છે એ છે કથા. નેહા ફ્લાઇટ અટેન્ડન્ટ છે. ફિલ્મનો મોટો હિસ્સો પ્લેનમાં આકાર લે છે. વાર્તના વળાંકો અને થ્રિલર પ્રકાર એને ઉત્સુકતાસભર બનાવે છે. ઓટીટી પર ગયા વરસે મસ્ત ફિલ્મોથી અગ્રસર સ્થાન મેળવનારી યામી માટે આ ફિલ્મથી ૨૦૨૩ પણ સફળ રહ્યું છે.

પતિપત્ની અલગ થાય ત્યારે બે વ્યક્તિ જુદી પડતી નથી. ત્યારે વિખેરાય છે પરિવાર, પરિવારજનોની લાગણીઓ, સંતાનોનું બાળપણ અને ભવિષ્ય. લેખક-પત્રકાર સંજય શાહ (આ બસ નર્યો યોગાનુયોગ કે આ લખનાર લેખક-પત્રકાર સંજય શાહ છે પણ એને આ નાટક સાથે કોઈ સીધું કનેક્શન નથી!) અને પત્ની સુલેખા થોડાં વરસ પહેલાં છુટ્ટાં પડ્યાં છે. એમને બે સંતાન, મોટી દીકરી ઋચા અને નાનો દીકરો યશ. જુદાં પડતાં સંજયના ભાગે ઋચા અને સુલેખાના ભાગે યશ આવ્યો હતો. નાટકની કથા એ સમયે શરૂ થાય છે જ્યાં પ્રેમાળ પિતા સંજય દીકરીના હાથ પીળા કરવાનો વિચાર શરૂ કરે છે. ઋચાની ચિંતા છે કે મારાં લગ્ન પછી એકલા પડી જનારા ભોળા, ભુલકણા પિતાની દેખભાળ કોણ કરશે? એમાંથી સર્જાય છે તરંગો. ઋચા પિતાને યેનકેન રીતે મનાવે છે બીજાં લગ્ન કરવા. એ સાથે સંજય મેરેજ બ્યુરો પહોંચે છે. ત્યાં એનો ભેટો થાય છે એની જ ભૂતપૂર્વ જીવનસંગિની સુલેખા સાથે!

કથાનો આટલો ઉલ્લેખ ‘બધું ફાઇન છે’ની વાત કરવા પર્યાપ્ત છે. મુખ્ય વાત છે નાટકની ખૂબીઓની. બાપદીકરીના પ્રગાઢ સંબંધો સાથે શરૂ થયા પછી નાટક સ્નિગ્ધતાથી અન્ય પાત્રોને એકરસ કરતું જાય છે. પાત્રો અને ઘટનાઓનું આ પરસ્પર સહજ ભળી જવું મજાનું છે. સુલેખા અને યશનાં પાત્રો કથામાં ઉમેરાયા પછીના વળાંકો નાટકને વધુ રસપ્રદ બનાવે છે. મધ્યાંતર પછી, સંબંધોનાં સમીકરણો જિજ્ઞાસા કરાવે છે કે આ તૂટેલો પરિવાર ક્યારેય સંધાશે કે કેમ.

2023નું વરસ પૂરું થવાને છે. ઢગલાબંધ વેબ સિરીઝ દર્શકો સામે એણે મૂકી. ફિલ્મો પણ. વરસનું વિહંગાવલોકન કરવાનો સમય આવ્યો છે ત્યારે બે તબક્કે વાત કરીએ. આજે કરીએ વેબ સિરીઝની વાત. કોણ ચમકી અને કોણ મોળી પડી એની વાત.

વરસ દરમિયાન આવેલી સિરીઝમાંથી જેણે દર્શકોને જીત્યા એમાં હંસલ મહેતાની સ્કૂપ અને ‘સ્કેમ 2003’ ટોપ પર છે. ગયા વરસે રાજ અને ડી.કે.એ દર્શકોને મોહી લીધા હતા આ વરસે મહેતાસાહેબે. ‘સ્કેમ 2003’માં વાત સ્ટેમ્પ પેપર કૌભાંડના કિંગ તેલગીની છે. હર્ષદ મહેતાના શેર બજાર કૌભાંડવાળી ઓરિજિનલ સિરીઝની આમ એ સિક્વલ પણ સાવ સ્વતંત્ર અને વેગળી વાર્તાવાળી. ગગન દેવ રિયાર નામના અભિનેતાને આ સિરીઝે પ્રથમ પંક્તિના કલાકારમાં સ્થાન અપાવ્યું. દસ એપિસોડવાળી સિરીઝ સોની લિવ પર જોઈ શકાય છે. છે એ લાંબી અને ક્યાંક ક્યાંક કંટાળાજનક પણ. છતાં, વિષયની મૌલિકતા અને મેકરની કલ્પનાશીલતા એના પ્લસ પોઇન્ટ છે.

‘સ્કૂપ’ને ખાસ્સા એવોર્ડ્સ મળ્યા છે. કરિશ્મા તન્ના એમાં પત્રકાર જાગૃતિ પાઠકનું પાત્ર ભજવે છે. પત્રકારત્વ આસપાસ ફરતી આ સિરીઝ પહેલાં ગયા વરસે ‘ધ બ્રોકન ન્યુઝ’ સિરીઝ ઝીફાઇવ પર આવી હતી. વાસ્તવિક ઘટના પર આધારિત આ સિરીઝમાં છ એપિસોડ્સ છે. વરસની અન્ય સિરીઝની સરખામણીમાં એ બેશક વધુ મનોરંજક છે.

સ્પેનિશ વેબ સિરીઝ ‘એલિટ’ પર આધારિત આઠ એપિસોડવાળી ‘ક્લાસ’ વરસની શરૂઆતમાં આવી હતી. દિલ્હીની પોશ સ્કૂલમાં ભણતા શ્રીમંત નબીરાઓ વચ્ચે સાધારણ પરિવારના વિદ્યાર્થીઓ ભણવા પહોંચે પછી શું થાય એની એમાં વાર્તા છે. સફળ અને ગાજેલી સિરીઝનો પાયો મળવા છતાં ‘ક્લાસ’ કોઈ એન્ગલથી ક્લાસિક સિરીઝ નથી બની.

શાહિદ કપૂરને લીડમાં ચમકાવતી, રાજ અને ડી.કેની સિરીઝ ‘ફર્ઝી’ પણ વરસની શરૂઆતમાં આવી. એ સફળ રહી એમ કહીએ તો પણ એટલું નક્કી કે ‘ધ ફેમિલી મેન’ સામે એ ફીકી છે. આ સર્જકોની આ વરસની વધુ એક સિરીઝ ‘ગન્સ એન્ડ ગુલાબ’ તો ‘ફર્ઝી’ કરતાં નબળી રહી. એમાં રાજકુમાર રાવ જેવા પ્રતિભાશાળી અભિનેતાની હાજરીથી પણ કોઈ જાદુ સર્જાયો નહીં.

અર્શદ વારસીને ચમકાવતી ‘અસુર’ સિરીઝની નવી સીઝન જૂનમાં આવી હતી. પહેલી સીઝને ખાસ્સી ચર્ચા જગાડી હતી. બીજી સીઝન ‘ધ રાઇઝ ઓફ ધ ડાર્ક સાઇડ’ ઘણાને ગમી છતાં, એમાં એવો મેજિક નથી જેવો પહેલી સીઝનમાં હતો.

સોશિયલ ઇન્ફ્લુએન્ઝર ટર્ન્ડ એક્ટર ભુવન બામે જાન્યુઆરીમાં છ એપિસોડની સિરીઝ ‘તાઝા ખબર’ સાથે અભિનયના મોરચે મોટી છલાંગ મારી હતી. સિરીઝનો વિષય મજેદાર પણ એ બની છે ખૂબ સાધારણ.

ફેબ્રુઆરી અને જૂનમાં બે તબક્કે રિલીઝ થયેલી ‘ધ નાઇટ મેનેજરે’ પણ ખાસ્સી ઉત્કંઠા જગાડી હતી. એ હતી એક ઇંગ્લિશ સિરીઝનું હિન્દી સંસ્કરણ. અનિલ કપૂર, આદિત્ય રોય કપૂર, શોભિતા ધૂલીપાલા સહિતનાં સિતારાઓ છતાં એનાં ગાજ્યાં મેહ વરસ્યાં નહી.

વિષયની દ્રષ્ટિએ જુદી અને સારી રીતે નિર્મિત ‘ધ રેલવેમેન’ ગયા મહિને આવી. યશરાજના બેનર વાયઆરએફ એન્ટરટેઇનમેન્ટની ચાર એપિસોડવાળી આ સિરીઝમાં આર. માધવન, કે. કે. મેનન, દિવ્યેન્દુ, બાબિલ ખાન વગેરે છે. ભોપાલ ગેસ ગુર્ઘટના પર આધારિત આ સિરીઝ દર્શકોને ગમી છે.

મોના સિંઘ, આશુતોષ ગોવારિકર, અમેય વાઘ, વિકાસ કુમાર વગેરે કલાકારોવાળી ‘કાલા પાની’ સિરીઝ ઓક્ટોબરમાં આવી. આંદામાન અને નિકોબાર ટાપુઓ પર અકળ બીમારી ત્રાટક્યા પછી જીવ બચાવવા સંઘર્ષરત પાત્રોની એમાં વાત છે. સાત એપિસોડવાળી આ સિરીઝે પણ ઉત્કંઠા જગાડ્યા પછી દર્શકોનાં દિલ ધાર્યાં પ્રમાણે જીત્યાં નથી.

Hirani films always had excellent screenplay and dialogue, perfect characterizations, costumes, songs, background score, and more. DUNKI is not a match for Hirani’s outstanding track record.

The plot is about the poor, uneducated people’s aspiration to settle in England. Set in Laltu, a small Punjab village, it has such aspirants as Manu (Taapsee Pannu), Baggu (Vikram Kochhar), Balli (Anil Grover), and Sukhi (Vicky Kaushal). They do everything to get the UK visa, but in vein. A visiting soldier, Hardy Singh (SRK), has come to the village to say thanks to his savior, now dead, whose sister is Manu.

• લંડનમાં શરૂ થઈ કથા 1995ની સાલના ફ્લેશબેકમાં પંજાબ પહોંચે છે. પઠાનકોટથી સૈનિક હાર્ડી સિંઘ ધિલ્લોન (શાહરુખ) એનો જીવ બચાવનારા યુવાનનો આભાર માનવા લાલ્ટુ ગામે પહોંચે છે. યુવાન મૃત્યુ પામ્યો છે. ઘરની આર્થિક સ્થિતિ બદલવા એની બહેન મનુ (તાપસી) લંડન જઈ પાઉન્ડમાં આવક રળવા ચાહે છે. મિત્રો બગ્ગુ (વિક્રમ કોચર) અને બલ્લી (અનિલ ગ્રોવર) પણ ઇંગ્લેન્ડ જવા છટપટિયાં મારી રહ્યા છે. હાર્ડી એમની ઇચ્છા સાકાર કરવાનું બીડું ઝડપે છે. શિક્ષણ, સંપન્નતા અને અંગ્રેજીનો એ સુધ્ધાં જેમને નથી આવડતો એવાં ત્રણને સીધે રસ્તે ઇંગ્લેન્ડના વિઝા મળતા નથી. અપવાદરૂપ બલ્લીને સ્ટુડન્ટ વિઝાથી લંડન જવા મળે છે.  સુખી (વિકી) નામનો યુવાન પણ અનિવાર્ય સંજોગોને લીધે ઇંગ્લેન્ડ જવા પ્રયાસરત છે. એ આત્મહત્યા કરે છે. પછી હાર્ડી બીડું ઝડપે છે મનુ અને બગ્ગુને ડંકી મતલબ ગેરકાનૂની રીતે, (કે ડોન્કી એટલે ગર્દભની જેમ અથડાતા, કુટાતા) સરહદો વટાવવા જીવ દાવ પર લગાડીને પણ ઇંગ્લેન્ડ પહોંચાડવાનું.
• એમનો લંડનનો જોખમી પ્રવાસ, એક પછી એક દેશની સરહદ ગેરકાનૂની રીતે વટાવવાનું કષ્ટ, સાથે જોડાયેલા અન્ય ત્રણનાં મોત જેવી ઘટનાઓ થકી વાર્તા આગળ વધે છે. ફાઇનલી તેઓ લંડન પહોંચે છે અને…